admin
Site Admin
Joined: 09 Mar 2007
Posts: 529
Location: Jbeil Byblos |
|
 Poem for Saint Maroun |
 |
الغربة
باقي أنا باقي بغربتي باقي
احمل بريق الشعر والشعر ساقي
وانتو رعيتي ورعيتي بتمون
وكل سني شعري بيحمل شواقي
وبتتسالوني منين هالمخزون
رح قلكن من وين يا رفاقي
سمعت لبنان قلو لمار مارون
يسكب قوافي الشعر عوراقي
وقلي تاقلكن منكن ممنون
أنتو الاصل وبعدو الاصل راقي
ومن دونكم مش قادر ولا بكون
لا جبل ابيض ولا توب تاقي
ويا معمدين بذات هالميرون
ما بتنسوني ولو طول فراقي
رمل البحر عبعدكم محزون
بيتحمل الموجات ليوم التلاقي
البيت الهجرتوا وبالاهل مسكون
بتشرق عليه الشمس والسما ناقي
أنتو الوحي والشعر عندي يهون
قادر أنا الغربة حطها عنوان
أنتو كتبتو ورح تسمعو الباقي
الغربة عن وطنا لا تحسبوها
خسارة عالوطن وعلي عشوها
حرقنا قلبو خيات واهالي
بس الروس فينا بيرفعوها
نحنا للوطن نجوم العلالي
تا بالعتم هني يقشعوها
نحنا للوطن قصرو العالي
ودار القصر هني يسكنوها
نحنا للوطن كروم الدوالي
وعناقيد العنب هني يعصروها
نحنا للوطن زرع وغلالي
وسنابل قمح هني يحصدوها
نحنا للوطن جواهر لألي
تبالافراح هني يلبسوها
نحنا للوطن دمعة مبالي
تبالاتراح هني يسكبوها
نحناللوطن ضماني وكمالي
وتنحكي هالحقيقة الشوٌهوها
الوطن خلقان تا يبقا رسالي
تعايش بقرى الاعدا هجروها
نحنا للوطن قوس العدالي
معنا الطائفيي هني حاكموها
نحنا للوطن نقض الجهالي
معنا المعرفة هني سفروها
نحنا للوطن ريحوا الشمالي
وارية وطن معنا رفرفوها
علم لبنان بارزو الخيالي
ارز الرب هني طوٌبوها
نحنا للوطن ترابو الغالي
ولما الجسد بدو تراب يرجع
تراب الجسد بترابو دفنوها
بالغربة شو صرنا كتار
هجرنا بحرو وجبالو
وبدن نرجع شو ما صار
الأرز نختير بخيالو
الغربة مش رح تنفع فيك
لو مالك نص المعمورة
ويا ابني بدي ربيك
لبنان بقلبك صورة
وبارض بلاد بهديك
مرقد عنزة زغيورة
تايقولو كل البلجيك
عالورتي يا نيالو
وبدن نرجع شو ما صار
الأرز نختير بخيالو
لبنان البعدو من الحرق
موجوع وجمرة عالنار
ولادو سقيوه من العرق
ودم الفيهم شو فوار
ارضو يا عروس الشرق
والاعدا داير من دار
تانورت ما عنا فرق
بين جنوبو وشمالو
وبدن نرجع شو ما صار
الأرز نختير بخيالو
بدنا نرجع بعد الضهر
تحت الارزة نستريح
ننام ونغفا وعند الفجر
نوعا لما الديك يصيح
وكل يوم الموت من القهر
ياقلك كيفك تقلو مليح
جاري الله صرلو ضهر
بالأرز معمر عرزالو
وبدن نرجع شو ما صار
الأرز نختير بخيالو
اندره كوكباني
قصيدة القيتها بمناسبة عيد مار مارون
بلجيكا ١٢/شباط/٢٠١٢
من وحي مناسبة رفع تمثال مار مارون بساحة من سحات روما
قصيدة ألقيتها في حفل عيد مار مارون السبت في 05/02/2011
يا مار مارون عقد ما عندك قداسي
غني أنا بعيدك عندي حماسي
مبارح كنت نايم وغفيان
شفت صورة حلم كلى تعاسي
متلي شفتك تهجرت من لبنان
وخايف ما نبقى هون ويموت احساسي
لما رفعو الك تمثال وين ما كان
بسحات روما وخلق من هيك وسواسي
سالت هالتمثال ليش هربان
هربان قلي من العم يعملو سياسي
وقلي يا ابني بلسان مش خيفان
عني الحقيقة قول ولو كنت قاسي
ناسي متل قوس القزح ألوان
وخايف ما يسود اللون الي تيابهم ناسي
وقلو لابني شو قيمتو الانسان
لما لخيو بيعقد مراسي
ولما بيبعد بيبعد بيبعد عن الايمان
وبيقرب بيقرب بيقرب من شقعة كراسي
قلو جدو لجدك عمر الاو طان
وما لك شغل عالارض غير لحراسى
ولو كنت شقفت ارض من هالارض ورتان
ممنوع انت تبيعها برنة نحاسي
قلو يا ابني حكم بتكون بالميدان
لما اهل الوطن بيضيعو الطاسي
وبدي تضلك انت بيضة القبان
لمل البلد بيمر بظروف حساسي
وقلو اذا خربت بكفة الميزان
بالكفر رح تضرب الرقم القياسي
وفجأة وعيت من الحلم فهمان
والشرق تا يبقى عشط الأمن راسي
فتحوا سينودس هون وتجمعوا الرهبان
وتيحافظوا عا شرقهم عملو دراسي
فخر إلنا لما الفاتيكان
تمثل شرقنا فيه كان شرطو الاساسي
فهمت مش هربان وقبلت منشان
تقلو للمهاجر عارضك عود
صلي بيديري وربع جراسي
اندره كوكباني الأصل. : لبناني
مكان الولادة: بريح الشوف
Belgique le 05/02/2011
|
|
